नेसं ११४१ काैलागा न:मि, संचरवा:
नेवाः (स्यनेकुथि) प्रशिक्षण केन्द्रया ग्वसालय् दँय्दँसं न्ह्यानावयाच्वंगु म्हपुजामन्दः च्वय्स्यनेज्या न्ह्याःगु दु । नेसं ११४१ कौलागा सिथि (षष्ठि) मंगलवाःकुन्हु न्ह्याःगु थुगु स्यनेज्या झिंछक्वःगु खः । मुक्कं छवाःतक न्ह्याइगु थुगु स्यनेज्याय् थासा मछ्यःसे ल्हातं हे मन्दः दय्के स्यनीगु खः । म्हपुजामन्दः च्वय्गु नापनापं मन्दःया सैद्धान्तिक पक्षया खँय् नं स्यनेकने याइ । थुगु मन्दः च्वय्स्यनेज्याया स्यनामिकथं स्यनेकुथिया हामा भाजु रुबिन शाक्य खः । थुगु स्यनेज्याया आज्जु धयागु म्हपुजामन्दःयात थासा मछ्यःसे च्वय्गु, मन्दः च्वय् माःथाय् रंगोली च्वय् थें च्वैगुयात चीकाः नेवाः परम्पराकथं हे बांलाक च्वय्स्यनेगु खः । स्यनेज्याय् ब्वति काःपिं दक्वसित दसिपौ लःल्हानाः थुगु दँया स्यनेज्या क्वचाय्की ।
सिकहे बालगु ज्याझव: रुबिन।