जिमिगु बारेय्
नेवा: (स्यनेकुथि) प्रशिक्षण केन्द्र
नेपालभाषाया छ्यलाबुला व थपू
नेपालभाषायात माध्यमकथं ज्वना: स्यनेकने
नेपालभाषा व नेपाललिपि न्हियान्हिथं थ:गु ज्याखँय् छ्यले
न्हिथं न्हूगु छगू खँ सीके
रुबिन शाक्य
Rubin Shakya
हामा Founder Director
नेपालभाषा व नेपाललिपि झीगु म्हसिका ख:
नेपालभाषा जिगु मांभाय् ख:
. . . . . . . . .
. . . . . . . .
. . . . . . .
. . . . . .
. . . . .
. . . .
. . .
. .
.
नेपाललिपिं जिं थ:गु खँ च्वय्गु याना
पुजिना शाक्य
Pujina Shakya
मूकजी Chief Coordinator
जिमिगु विषेशता
नेवा:भासं स्यनेकने याय्गु
स्यनेकुथियात म्हसीकेबलय्
नेवाः (स्यनेकुथि) प्रशिक्षण केन्द्र नेसं ११२८ तछलागा अमाइ बिहिवाःया दिनय् पलिस्था जूगु खः । नेवाःभाय्या माध्यमं स्यनेकने याय्गु नेवाः स्यनेकुथिया मूआज्जु खः । नेवाः स्यनेकुथिइ नेपालभाषाया माध्यमं नेपालभाषा, नेपाललिपि, च्वकिपा, न्वचु, हुलाप्याखं, हस्तकला, संस्कृति, मस्तय्त स्कूल तहया ट्यूशन व मेमेगु थीथी विषयया स्यनेज्या जुइ । थुगु नेवाः स्यनेकुथि नेवाःत नापनापं गैर नेवाः व विदेशीतय्त नं स्यनेकने याइ ।
नेवाः स्यनेकुथिया ज्याकू यल महानगरपालिका वडा नं. १६, खाछेँय् खः । नेवाः स्यनेकुथि सरकारी दर्ता जुयाच्वंगु दु गुकिया आधिकारी नां “नेवाः (स्यनेकुथि) प्रशिक्षण केन्द्र” खः । थन नेवाःभासं स्यनेगु हे मू विषेशता खः । थःगु भासं स्यनेकने यात कि याकनं थुइ धयागु धारणां हे थ्व स्यनेकुथि नीस्वंगु जुल ।
स्यनेकुथिं थीथी स्यनेज्याया नापनापं नेपालभाषा, नेपाललिपि, नेपाल सम्बत् व संस्कृतिया ख्यलय् थीथी ज्याझ्वःत यानावयाच्वनागु दु । थीथी विषयया न्वचु ज्याझ्वः व त्वाःत्वालय्, संघसंस्थाय् नेवाः परामर्श ज्याझ्वः न्ह्याकावयाच्वंगु दु । मस्तय्गु च्वकिपा धेंधेंबल्ला, प्रतिभा क्यनेज्या, च्वकिपा ब्वज्या, थाय्थासय् मन्दः ब्वज्या थेंजाःगु ज्याझ्वःत मदिक न्ह्याकाच्वंगु दु ।
नेवाः स्यनेकुथिया ग्वसालय् क्वचाःगु थीथी ज्याझ्वःत
२. खुक्च्वव:तक च्वकिपा धेंधेंबल्ला
३. च्वकिपा ब्वज्या
४. कला ब्वज्या ११३४
५. प्रतिभा क्यनेज्या ११३५
६. मन्दः ब्वज्या
७. नेवाः परामर्श ज्याझ्वः
८. अनलाइन नेपालभाषा व नेपाललिपि स्यनेकने
९. अनलाइन रञ्जना वर्डआर्ट धेंधेंबल्ला ११४०
१०. यल महानगरपालिकाया नगर प्रहरीयात नेपालभाषा स्यनेज्या
११. मन्द: च्वज्या कासा
१२. यल महानगरपालिका वडा १६ लिसे जाना: नेपाललिपि स्यनेज्या
१३. नेपाललिपि ब्वज्या व रञ्जना लिपिं नां च्वज्या
थ: मस्तय्त छेँय् नेवा:भासं खँ ल्हाकादिसँ व
नेवा:भासं आख: नं ब्वंकादिसँ ।।
स्यनेकने
नेवाः (स्यनेकुथि) प्रशिक्षण केन्द्रय् नेपालभाषा, नेपाललिपि, संस्कृति, चित्रकला, संगीतकला, नृत्यकला, हस्तकला, न्वचु, ट्यूशन व मेमेगु विषयया स्यनेज्यात न्ह्याइ । मस्तनिसें कयाः तःधिकःपिं न्ह्याम्हं स्यनेज्याय् ब्वति काय्फै ।
स्यनामि
दक्व स्यनेज्याया स्यनामित थःथःगु ख्यलय् बांलाक सःस्यूपिं, उगु हे विषयय् शिक्षा कयातःपिं व अनुभवी स्यनामिपिंसं स्यनेकने याइ ।
दसिपाै
नेपाल सरकारया घरेलु तथा साना उद्योग कार्यालयस नेवाः (स्यनेकुथि) प्रशिक्षण केन्द्रकथं दर्ता जूगु नापं आन्तरिक राजश्व विभाग व स्थानीय सरकारय् समेत दर्ता जूगु कथं स्यनेज्याया मान्यता प्राप्त दसिपौ लःल्हाय्गु ।