१. मन्दः च्वज्यायात माःगु सकतां हलंज्वलं ग्वसाः खलकं बीगु ज्वी तर थुकिइ समाःज्वलं दुथ्याइ मखु ।
२. मन्दः च्वज्याय् छुं नं कथंया वस्तु गथेकि च्वसा, ज्याभः, खिपः, ब्रस, थासा आदि मछ्यःसे ल्हातं जक च्वय्‌मा: अले मोबाइल, किपाः, फोटोकपि, सफू आदि छुं नं कथंया वस्तु स्वयाः तथा उखेथुखे न्यनाः च्वय्‌दइमखु ।
३. मन्दः म्हपुजा याय्‌गु मन्दःया लिधंसाय् च्वय्‌मा: ।
४. कासामिं मन्दः १२x१२ निसें २४x२४ इञ्चतकया दुने दय्‌केमा: ।
५. मन्दः कासाया ई मुक्कं १.५ घण्टाया ज्वी । थुकियात निगू ब्वय् फ्यानातःगु दु । न्हापांगु ब्व बागू घण्टा (३० गू मिनेट) व लिपांगु ब्व छगू घण्टा (६० मिनेट)या ज्वी ।
६. न्हापांगु ब्वय् प्वताय्‌चुनं जक मन्दःया आकृतिजक च्वय्‌गु ज्वी व लिपांगु ब्वय् मन्दः समाः याय्‌गु ज्या ज्वी ।
७. कासामिया थाय्‌या ल्यज्या गोलाप्रथाकथं ज्वी ।
८. कासाया ईकथं न्हापांगु ब्वय् कासा न्ह्याय्‌धुंका: १५ मिनेटय् छक्वः घण्टी थाइ व ई सिधैगु ५ गू मिनेट ल्यं दनिबलय् ई फ्वीगु संकेट घण्टी थाइ अले ३० गू मिनेटय् न्हापांगु ब्व क्वचाःगु घण्टी थाय्‌गु ज्वी । अथेहे लिपांगु ब्वय् नं कासा न्ह्याय्‌धुंका: ३० मिनेटया छक्वः घण्टी थाइ व ई सिधैगु १० गू मिनेट ल्यं दनिबलय् ई फ्वीगु संकेट घण्टी थानाः ६० मिनेटय् कासाया सकतां ई क्वचाःगु घण्टी थाय्‌गु ज्वी ।
९. ई न्ह्याःगु व सिधःगु घण्टिया सुचं बीवं जक च्वज्या न्ह्याके व दिकेमाःगु ज्वी । ईसिबें न्ह्यः व लिपा च्वःगुयात निर्णायक मण्डलं मान्यता बीमखु ।
१०. कासामिपिंत छुं कथंया पंगः यात धाःसा उम्ह कासामियात निलम्बित याय्‌गु अधिकार निर्णायक मण्डलयाके दै ।
११. सुं कासामिं दथुइ कासा त्वःतल धाःसा व कासामि निलम्बित ज्वी ।
१२. छुं नं कथंया प्राकृतिक अप्राकृतिककथं च्वज्या दिकेमाल धाःसा नापं छुं नं कथंया विवाद ब्वलन धाःसा थ्व बारेया सकतां निर्णायक अधिकार निर्णायक मण्डलयाके जक दै ।
१३. ग्वसाः खलकं ब्यूगु हलंज्वलंत हे कासामि छ्यलेमाः । ब्यूगु हलंज्वलं मगात धाःसा ग्वसाः खलःयात स्वापू तय्‌मा:गु ज्वी ।
१४. च्वय्‌च्वंगु दक्व नियम पालन याय्‌मा: व निर्णायक मण्डलया अन्तिम निर्णय हे दक्वसियां स्वीकार याय्‌मा:गु ज्वी ।

ग्वसाःखलकं बीगु हलंज्वलंत
१. प्वताय्‌चुं (ग्वसाः खलकं ब्यूगु प्वताय्‌चुं हे छ्यलेमाः)
२. ताय्
३. वा
४. आख्यः
५. खेलुइताः (म्हं निपु)
६. जजंका (म्हं स्वपु)
७. अबिर
८. चिकं
९. सलिचा (म्हं प्यंग्वः)
थ्व बाहेक मेगु माःगु हलंज्वलं गथेकि फलफूल, स्वां, समाःज्वलं आदि कासामिं हे ज्वनावय्‌मा:गु ज्वी ।