मांभासं सय्‌केसीके

पलिस्था जूगु इलंनिसें हे नेवाः स्यनेकुथिया ज्याखँयात मदिक्क दुवालाः स्वयावयाच्वनागु दु । दँय्‌दँसं हे नेवाः स्यनेकुथिया ज्याखँयात कया: रेडियोलय् अन्तर्वार्ता काय्‌गु झ्वलय् थुकिया ज्याखँ थप बिस्तार जुजुं वनाच्वंगु जिं खंकाच्वनागु दु । गथेकि भाय्, लिपि स्यनेगु, चित्रकला स्यनेगु, चित्रकला धेंधेंबल्ला याकेगु, थासा मत:से म्हपुजा मन्द: च्वय्‌स्यनेगु लगायतया ज्या यानाच्वंगु दुसा कोरोना संक्रमणया महामारीया इलय् सरकारं तःगु लकडाउनया इलय् नं अनलाइनया माध्यमपाखें भाय् स्यनेगु लिसें स्वनिगःया थाय्‌या पुलांगु नांयात हाकनं रिभाइभ याय्‌गु कथं अनलाइन धेंधेंबल्ला याय्‌गु थेंज्याःगु च्वछाय्‌बह: जूगु ज्या थ्व स्यनेकुथिं या:गु खः । आः वया: वेवसाइटपाखें स्वनिगःदुने जक मजूसें हलिंन्यंक हे थःगु सेवा विस्तार याय्‌त्यंगु खँ न्यनाः तसकं लसतां जाल । नेवाभाय्, लिपि, संस्कार, संस्कृतियात हलिन्यंक हे प्रवर्द्धन यानाः वनेफय्‌मा धका: नेवाः स्यनेकुथियात आपालं आपालं भिंतुना । भिंतुना ।